Y TWNEL YN CYRRAEDD

 Mae'r tywydd wedi bod yn ofnadwy ers y tro diwethaf imi gael cyfle i 'sgwennu yma. Heb gael amser o gwbl i dendio ar yr ardd, er  fuaswn i heb allu gwneud rhyw lawer oherwydd yr eira a'r rhew dychrynllyd. Yn ol themomedr y ty gwydyr aeth hi lawr i -11.5C nifer o nosweithiau er gwaetha'r bubble wrap sy'n insiwleiddo'r tu mewn.

Er gwaethaf y tywydd garw roedd rhaid rhoi y twnel i fyny! Dydd Gwener y 10ed oedd yr unig ddiwrnod oedd 'Haygrove Garden Tunnels' yn gallu dod i'r safle i'w adeiladu, neu mi fuaswn yn gorfod aros tan wedi'r 'dolig, rhywbeth doeddwn ddim yn awyddus i'w wneud gan fy mod eisiau treulio'r gwyliau yn paratoi y gwlau oddi fewn y twnel tra mae'r amser ar gael cyn cyffro'r gwanwyn.

Roedd safle codi'r twnel yn hynod o fwdlyd a dweud y lleiaf!

Ond roedd y ffram i fynu mewn dim o dro.

Fe'i adeiladwyd mewn cwta pedair awr, gan wneud y gwaith caled edrych yn hawdd iawn. Duw a wyr faint o amser fyddai hi wedi cymeryd i mi ei godi ar ben fy hun.
Dyma un or prif resymau imi ddewis 'Haygrove' oherwydd roeddynt yn cynnig y gwasanaeth cyflawn o ran ansawdd a safon uchel ei wneuthuriad, yn ogystal a'r dewis o gael arbenigwyr i'w adeiladu.

                              Fel y gwelwch mae siap y twnel yn hollol wahanol i'r 'pollytunnel' confensiynol. Yn hytrach na chael siap hanner crwn yr hyn mae'r twnel hwn yn ei gynnig yw ochrau syth sy'n galluogi tyfu nifer fwy o gynnyrch yn agosach i'r ochrau.



Mantais mawr y twnel hwn ydi'r 'vents' sydd yn ymestyn hyd y twnel ar bob ochr. Mae modd agor rhain gan rolio'r plastig i fynnu gan adael yr awyr iach i mewn trwy rwydwaith man sy'n cadw'r plau a phryfaid allan ond yn cadw awyrgylch tu mewn i'r twnel yn berffaith ar gyfer tyfu cynnyrch iach.
Dwi'n gobeithio cael mynd ati dros gwyliau'r dolig i godi 3 'raised bed' tu mewn i'r twnel. Un ar gyfer y nionod, un ar gyfer y cenin a'r llall ar gyfer y moron byr.

                                                                                                                

Manteisio ar ddiwrnod braf

Ges i gyfle penwythnos yma i godi gweddill y moron cyn i'r malwod fynd iddynt dros y gaeaf. Wnes i orfod taflu dipyn i ffwrdd i ddweud y gwir oherwydd roeddynt wedi hollti. Ond ar y cyfan roeddynt yn iach ac nifer wedi tyfu'n fawr iawn. Tydyn nhw ddim digon da i'w harddangos ond yn sicr digon da i'r gegin, does dim byd gwell na moron yn syth o'r ardd!
Mae yna ddau fath yn y llun; Sweet Candle sy'n ennill ym mhob sioe fawr ar hyn o bryd, a Flyaway sydd yn dangos potensial o fod yn foron arddangos.


Mi gymerais i'r cyfle hefyd i balu dipyn ar yr ardd, er fod y tir reit wlyb. Dyma'r gwely fydd y tatws yn tyfu ynddo flwyddyn nesa. Y Cabej a'r Colis oedd yn y gwely eleni ac mai'n bwysig fod y llysiau yn newid eu safle bob blwyddyn, rhywbeth ma nhw'n ei alw'n 'crop rotation'. Pwrpas hyn ydi gwneud yn siwr fod yna ddim afiechydon a phlau yn croni yn y pridd.

 



Y gwely nionod ydi hwn ar y chwith wedi ei droi drosodd. Roedd gwreiddiau'r nionod yn parhau i fod yn y pridd, ac roeddwn wedi synnu pa mor ddyfn roeddynt yn mynd. Dwi ddim yn siwr eto pa nionod dwi am blannu yn y gwely hwn tro nesa oherwydd dwi'n gobeithio symud y nionod mawr oleiaf i'r polytunnel newydd. Y dasg nesaf i'r gwely hwn fydd adio Potash.

CANLYNIADAU'R PRAWF PRIDD

Daeth canlyniadau'r prawf pridd o'r gwlau Cennin a'r Nionod drwy'r post rhai dyddiau yn ol:

LEEK BED

Analysis                   Result      Guideline     Interpretation           Comments

pH                               6.9              6.5              Normal                 Adequate level
Phosphorous                87               26                 High                   High level. No
                                                                                                      treatment necessary.
Potassium                    204            241             Slightly Low           100-150kg/ha K20
Magnesium                  165            100               Normal                 Adequate level

ONION BED

Analysis                   Result      Guideline     Interpretation           Comments

pH                               6.6              6.5              Normal                 Adequate level
Phosphorous               109               46                 High                   Possible interference
                                                                                                       on availability of  Fe,
                                                                                                       Cu, Zn
Potassium                    154            241             Slightly Low           100-150kg/ha K20.
Magnesium                  270            100               Normal                 Adequate level


Tydi'r canlyniadau ddim rhy ddrwg i ddweud y gwir, ond bydd rhaid ychwnegu rhywfaint o Potash i'r gwlau dros y gaeaf. Yr unig beth sy'n ymddangos braidd allan oi le ydy'r lefel uchel o Phosphorous yn y gwely nionod. Dwi ddim am golli cwsg dros y peth oherwydd dwin gobeithio creu gwely newydd i'r nionod yn y Polytunnel  fydd yn cael ei godi cyn y Dolig gobeithio.

                                

Hadau

Un or pethau pwysicaf i feddwl amdano cyn cychwyn unrhyw waith yn yr ardd ydy'r llysiau mae rhywun yn bwriadu ei blannu. Ar ol penderfynnu pa lysiau, mae dewis yr hadau cywir yn holl bwysig os mai arddangos yw'r nod.
Mae prynnu'r hadau gorau ar cyltifar gorau ym mhob adran yn angenrheidiol os ydych eisiau cael llwyddiant ar fyrddau'r sioe. Hadau Medwyn Williams dwi'n ddefnyddio gyda'r mwyafrif o lysiau ac dwi'n prynnu planhigion sydd wedi eu cychwyn gan Medwyn sef y Nionod a'r Cenin. Y rheswm pennaf am hyn ydy'r gost o wresogi'r ty gwydyr. Dwi fel arfer yn derbyn y planhigion rhwng mis Chwefror a mis Mawrth syn golygu fod y tywydd yn dechrau cynhesu ychydig yn ogystal a'r dydd yn ymestyn.

O ran yr hadau Tatws, dwi wedi archebu rhain ddoe gan http://www.jbaseedpotatoes.co.uk/ sy'n arbennigo yn y maes hwn ac yn cynnig hadau o safon uchel ar gyfer arddangos. Mi gefais sgwrs reit ddifyr hefo Iain Barbour ar y dull gorau o dyfu, felly gobeithio gai dipyn o lwyddiant flwyddyn nesa.
Penderfynnais fynd am 3 gwahanol fath o daten:

1. NVS AMOUR
2. NVS SHERINE
3. KESTREL

Mi siaradai fwy am y dull dwi am ei ddefnyddio i dyfu'r tatws yn agosach at amser eu plannu.

Dyma un dosbarth yn fy sioe lleol eleni. Doedd y safon ddim yn uchel o gwbl oherwydd fy nghasgliad i Wilja ennillodd, er doeddynt ddim yn gyltifar sy'n benodol ar gyfer sioe. Roedd nifer fawr or rhain wnes i godi yn dioddef o scab, rhywbeth dwin obeithio osgoi wrth ddewis cyltifar sydd mor amlwg ar y byrddau sioe.

TESTIO'R PRIDD

Mae'r ardd yn edrych braidd yn druenus ar hyn o bryd. Mae yna ychydig o foron ar ol mewn un gwely ymysg y chwyn! Ac mai'n hen bryd tynnu gweddill y pys oherwydd mae hi di bod yn rhewi nosweithiau diwethaf.

Y dasg dwi angen wneud cyn dechrau gwneud unrhyw beth i'r tir yw gyrru samplau pridd i ffwrdd or gwahanol wlau er mwyn gwybod yn union beth dwi angen ychwanegu i'r pridd ar gyfer y tymor nesa.

Lancrop Laboratories dwin ei ddefnyddio oherwydd maent yn gwneud y dasg yn hynod o syml.

Bydd rhaid imi wneud dipyn o waith yn y ty gwydyr cyn rhoi unrhyw blanhigion ynddo. Mae'r tomatos wedi dioddef o 'botritis' trwy gydol y ddau dymor diwethaf, felly bydd rhaid imi lanhau'r gwydr a'r bubble wrap yn drylwyr hefo 'armillatox'. Dwi hefyd am newid y gwlau compost hefo pridd sydd heb ei arddio ers blynyddoedd gan obeithio cael ty gwydyr syn rhydd o unrhyw afiechydon neu phla. Y rheswm pennaf dwi'n credu fy mod wedi cael 'botritis' ydi'r diffyg aer ffres yn dod i mewn o amgylch y planhigion, yn sicr tydi'r bubble wrap ddim yn help dros yr haf ond ni allaf wneud hebddo trwyr gwanwyn oherwydd y nosweithiau rhwellyd mae gardd sydd 1000 o droedfeddi uwchben y mor yn dueddol o'i gael!
Dwi am osod ffenestr 'louvre' i'r talcen pellaf y ty gwydyr gan obeithio wnaiff hyn ddatrys y broblem. Amser a ddengys!

Y GWAITH YN DECHRAU

Dyma'r amser dwi'n dechrau meddwl am baratoi yr ardd ar gyfer y flwyddyn nesa. Dwi'n gwbod fod hi'n andros o gynnar i fod yn meddwl am hynny, ond os ella i wneud y gwaith paratoi yn bell cyn amser plannu mae hynny'n golygu bydd y llysiau yn cael gwell cychwyn i'w bywyd.
Mae yna gymaint o waith tacluso ar ol y tymor sydd wedi pasio dwi ddim yn gwbod lle i gychwyn! Ond dwi am gael p'nawn cyfa yn yr ardd 'fory, mae'r wraig mewn priodas drwyr dydd ac yn lwcus imi i'r parti nos ges i wadd, felly gai lonydd i daclo dipyn ar y lle!
Dyma un o'r cennin wnes i dyfu eleni ar gyfer sioe Sir Feirionnydd, ac dwi'n gobeithio cael rhai ychydig yn fwy flwyddyn nesa.

Cennin Sioe Sir Feirionydd 2010